Tourenberichte 2020

Klettersteig Mammut Zermatt

16. Juli 2020

  • Leitung: Urs Lauber
  • Teilnehmer: Anne-Kathrin Nottebrock-Jundi, Priska Thalmann, Regula Detta, Silvia Burgener
  • Bericht: Priska

  • Fotos: Urs

Äs ischt Frontag dr 16. Hewut am Morgend ze halbe Achte. Vorem Pöschtli beitut dr Urs ischa Geid isch vier Wiber dr Regula, dr Anne-Kathrin, dr Silvia und mir (dr Priska ).

 

Ime flotte Schritt geihts rätschendu imbrüf zm Ischtieg vam Mammut Chlätterschteig.

 

Jetz heissts Chlättergurt, Helm, Chlätterschteigset und Händsche montiere und scho geihts los. Schritt fer Schritt Hagge üs und Hagge dri immer hehjer und hehjer. Scho ischt d erscht Etappa verbi. Ä folgt die Zweita. Unerbrochna chunt ischa Rythmus heggschtens fer is Foto. Und scho siwer in dr dritt Etappa verbi an dr Leitra näbi dr Müettergottes und wier hei ses gschafft.

 

Eismal meh geiht ischa Dank an dr Urs wa isch zobruscht sogar mime Geneppi verwehnt.